[Desember] - Tölvuleikjaklúbbur Óróa - Stardew Valley

Spilum Stardew Valley saman!

(Takmörkuð sæti í boði!)

Hér getur þú skráð þig á námskeið í „bókaklúbbs“ stíl þar sem við greinum og spilum leikinn Stardew Valley saman.

Við byrjum á að hittast á fjarfundi sem hópur og kynnast aðeins. Ég mun halda kynningu á Stardew Valley, tala um grunnhugmyndirnar á bakvið leikinn, þróunarsöguna og ýmiss konar fróðleik sem tengist leiknum. Eftir þessa kynningu spilar fólk leikinn á sínum eigin hraða og tíma.

Við munum hafa lokaðan Facebook hóp yfir tímabilið þar sem við getum spjallað saman og deilt hvernig gengur. Einnig hittumst við fjórum sinnum á fjarfundi yfir tímabilið.

Til að taka þátt þarftu að

• Skrá þig á námskeiðið
• Hafa aðgang að Stardew Valley
• Vera með vinalega og hjálpsama framkomu
• Hafa áhuga á að vera hluti af hópi sem vill njóta tölvuleikjaspilunar

Þú þarft ekki að

• Vera góð eða góður í tölvuleikjum
• Hafa spilað Stardew Valley áður
• Taka þátt í samtölum eða vera í mynd. Það er allt í lagi að hlusta bara og vera þannig með

Dagskrá

Fundirnir verða á mánudögum kl. 20:00 og eru 1 til 2 klukkustundir að lengd.

Kynning og inngangur – 1. desember

Hér hittumst við og kynnumst aðeins. Við förum yfir hverjir eru að spila í fyrsta sinn og hverjir þekkja leikinn. Þátttakendur fá kynningu á ýmsu sem tengist leiknum, þróunarsögu, tegund leiksins og fróðleik sem gagnast í spilunina.

Kerfi og upplifun – 8. desember

Hér skoðum við kerfin og leikjalykkjurnar í leiknum og speglum í okkar eigin reynslu. Við ræðum hvernig leikurinn tekur á nýliðun og tryggjum að allir séu að njóta leiksins.

Frjálst spjall og samvinna – 15. desember

Hér hittumst við og förum djúpt í umræðuefni sem hafa komið upp í hópnum. Við ræðum framvindu og skoðum hvort það séu tækifæri til samvinnu eða samspils.

Samantekt og umræður – 28. desember

Hér ljúkum við kaflanum um Stardew Valley. Við ræðum upplifun okkar og förum yfir nokkur lykilatriði.

• Skilaði leikurinn því sem við bjuggumst við?
• Hvað stóð upp úr?
• Hvernig hefði mátt bæta upplifunina?
• Fer leikurinn upp í hilluna eða verður hann spilaður áfram?